, ... Webmaster
Euse Huswart
Generalversammlung des Fachverbandes Aargauische Hauswarte 2014
Eine Laudatio an die Hauswarte der Schulleiterin
Sehr geehrti Damen und Herre
Grüezi mitenand
Gross und Chli – mer send debii! - s’Motto vo eusere Schuel
Suscht sind die Chline meischtens im Mittelpunkt, do a dere Schuel, aber hütt sinds emol die Grosse. Die wo schaffe für dass es de Chline wohl isch und die wos ohni si ned würd go. Drum wött ich euch de folgendi Text widme.
Fraue sind immer au gmeint, aber des Reimes willen nur die männlich Form.
Euse Huswart
Wer isch der erscht am Morge früeh?
S’isch ned de Puur bi sine Chüeh,
ned de Pfarrer, ned de Lehrer,
s’isch de Turnhallebäsechehrer,
so früeh, do isch nur ein am Start,
de Schuel-Gebäude und Huswart,
en Partyobespurverwüscher,
en Putzmaschine – Rumerfrüscher,
er isch en Kaugummiabchratzprofi,
en Fläckentfärner vo de Ovi,
Elektriker, Schriener, Zimmermaa,
en Maa, wo eifach alles cha.
Turnhalle wüsche 5 Minute,
6 für Zimmer, muess mi spute,
springe, chrampfe, disponiere,
alls muess beschtens funktioniere,
Mänschefründ und au Versteher,
Schruebe ie und use Dreher,
und alli chöme, fordere, wänd,
immer, ständig, ohni Änd,
d’Schuel und d’Gmeind und d’Direktion,
Stress und Ärger – ned meh Lohn.
vell Besserwüsser – Rotschläggeber,
Schriebitschtäter – Redeheber,
und zmittzt im Chueche im Getümmel,
de Star – de Held – nei, ned en Lümmel,
de Fels wo i de Brandig stoht,
wo kei Strum so liecht umschloht
wo schafft für euses Wohlbefinde,
mer söll ihn drum ned z’fescht abinde.
Tag für Tag und Johr für Johr,
gänd ihr s’Beschte – es isch wohr.
Ohni euch – was wämmer mache?
Das wär jo denne nümm zum Lache.
Es grosses Lob für euche Job,
ihr machet euchi Arbet top,
Respäkt und Dank – vo Oscht bis Weschte,
ihr Huswärt – ihr send doch die Beschte.
Generalversammlung des Fachverbandes Aargauische Hauswarte
Sehr geehrti Damen und Herre
Grüezi mitenand